Ino kat faia long gavman olsem oposisen i kleim


Muva blong mosen agensem praem minista Charlot Salwai long yestede, Sato Kilman i talem se sapos sam MP blong gavman i saenem mosen, hemi from we oli no hapi long sam samting insaed long palaman. Hemi talem se hemi no save faia widaot smok be Mr Salwai i talem se ino kat faia long gavman blong hem. Hemi asurem evri pipol blong Vanuatu se gavman blong hem, hemi strong mo hemi redi blong diliva sevis igo long ol pipol blong hem. Praem minista i talem se ol risen blong mosen agensem hem, oli no hevi. Mr Salwai i talem se trip blong hem igo long China we Mr Kilman mo ol nara oposisen MP, oli stap putum olsem risen blong autem, hemi no wan praevet visit be hemi wan ofisiol visit mo China, hemi bin sponsarem. Hemi talem se sem visit ol foma praem minista olsem Mr Kilman, olgeta tu, oli go long hem.

Ol pipol we oli stap folem gud politik blong Vanuatu long tede, oli talem se riviu blong nasional konstitusen we oposisen i wandem autem PM Salwai from, oposisen tu, hemi bin sapotem prinsipol blong hem long las sesen blong palaman be tede hemi agensem bagegen. Oli talem se long saed blong rifom blong tax, oposisen ino save iusim blong finisim gavman ia from we hemi stap yet long level blong konsaltesen.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s