Efate mo Port Vila long RMC kongres


20160823_080954

Port Vila mo Efate rijen, tufala i fes rijen blong kasem Melsisi long sentrol Pentecost long las wik blong tekem pat long fes eva nasional kongres blong Reunification of Movements for Change blong Praem Minista Charlot Salwai. RMC, hemi bon long 2012 folem desisen blong foma presiden blong Union blong Modereit Parti, Serge Vohor we naoia, hemi stap long presin afta hae kot blong Vanuatu, hemi fainem se rong blong kasem wan milien vatu long Moana Carcasses. Long 2012, Mr Salwai i oganaesem kongres mo Efate nao, hemi bin hostem long Mele. Long taem ia, pati, hemi bin karem nem blong UMPC we hemi Union of Moderate Party for Change be yet Vohor, hemi resis igo long kot blong banem hem wetem ol nara lida olsem Steven Kalsakau blong oli no iusim nem ia. Tabu ia kot, hemi bin imposem abaut wan wik nomo bifo jenerol eleksen long 2012. Taem ia nao, RMC, hemi bon. RMC, hemi go festaem long eleksen long taem ia mo winim 3 MP. Hemi go bak bagegen blong seken taem long snap eleksen long las yia mo winim bagegen 3 MP mo naoia, hemi holem wan long olgeta top konstitusinol posisen blong Vanuatu we hemi posisen blong praem minista.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s