10 milien vatu blong VCC


20160830_171859
Praem Minista, Charlot Salwai, hemi ofisioli handem ova 10 milien vatu igo long Vanuatu Christian Council of Churches long yesterday afternun.
Mr Salwai i talem se hemia i fes mani we gavman, hemi givim long VCC mo evri yia, bae hemi stap long badjet blong gavman.
Hemi talem se hemia ino blong gavman, hemi kat kontrol long wok blong VCC be hemi blong helpem olgeta long wok blong olgeta.
Mr Salwai talem se gavman mo jioj, tufala i sevem ol sem pipol nomo. Praem Minista i talem se ol jioj, oli kontribiut bigwan long developmen blong ol pipol blong Vanuatu. Mr Salwai i talem se ikat ol ples long Vanuatu we gavman ino stap be ol jioj istap.
Chairman blong VCC, Pastor Alan Nafuki, vaes chairman, Bishop Jean Bosco Baremes mo secretary, Pastor Shem Temar, oli talem tankiu from gavman blong tede, hemi save luk save wok blong ol jioj. Oli talem se hemia i fes help we VCC i kasem long gavman afta long 36 yia blong indipendens blong kantri.
Oli asurem praem minista se bae oli iusim gud mani ia blong benefitim ol jioj mo bae ikat ripot long end blong evri yia abaut ius blong mani ia.
Pastor Nafuki i talem se long taem we kantri, hemi redi blong kasem indipendens, ikat sam toktok se Late Father Walter Lini ino save lidim kantri from we hemi wan priest mo wan priest ino save involv long politik. Chairman blong VCC i talem se taem ia Father Lini, hemi bin talem se wan mani coin blong 50 vatu, hemi kat 2 fes be hemi wan coin nomo.
Pastor Nafuki i talem se hemi glad se afta 36 yia gavman blong Praem Minista Salwai, hemi save mekem se wanem we Father Lini, hemi bin talem, hemi save hapen. Long yesterday tu, VCC, hemi bin handem ova wan SHIL mo 2 mat igo long Mr Salwai blong talem tankiu from help blong gavman.
Long 29 Julae, Mr Salwai, hemi bin saenem agrimen blong mani ia wetem VCC mo long yestede nao, hemi tes handem ova 10 milien vatu ia igo long olgeta.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s