Minista Toara i lonjem Trachoma Mass Drug Administration


IMG_4176 IMG_4239
Hemia nao tok tok blong minista blong health, Toara Daniel long maket blong Port Vila tede afternoon: 
 
Mi klat blong kat opportunity ya blong stap long launching blong fes Mass Drug Administration or MDA blong Ministry blong helt mo kafman blong doanem sik blong eye or TRACHOMA long Vanuatu. Tankiu long invitation mo welcome long ceremony.
 
Sik  Trachoma emi stap affectem  41 million people long world tudei mo Vanuatu emi recordem over 12% incidence blong sik Trachoma taim Ministry blong Helt I karemaut mapping exercise long 2016. Sik Trachoma emi kos blong bebet  we nem blong em Chlamydia trachomatis we emi pass through long wan man iko long narfala man sapos we yumi no washem gud han mo eye blong yumi wetem wota, mo sharem klos olsem towel. Taem man ikat sik Trachoma mo letem fly ikam sitaun long eye blong em, fly emi safe pasem sik Trachoma long wan man iko long nara man tu.
 
Out long 41 million people we I affected long sik Trachoma,  2.2 million man ikat problem blong lukluk good mo 1.2 million man ikam blind olketa from sick Trachoma.
 
Ministry blong helt I stap karemaut Mass Drug Administration or MDA campaign ya through long Public Health mission we emi blong Stopem Sik bifo sik ikam antap. Mission  ya emi blong  mekem sua se Communicable Diseases olsem TB, Malaria, STIs, HIV/AIDs mo Trachoma, oli no kam antap blong mekem man isik mo semtaim redusum cost blong helt expenditure we istap kam antap. Therefore emi opportunity blong Kafman tru long Ministry blong Helt blong mas karemaut campaign ya blong daonem sik Trachoma long Vanuatu. Semtaim, Vanuatu Kafman ikat oblikesen under long Global Strategy  blong elimination blong  Neglected Tropical Diseases under long WHO framework of elimination we Vanuatu emi member long em mo mas mekem sua se campaign olsem I folem technical direction we WHO ikat wetem member kantris. Mandate  we Kafman ikifim long Ministry blong Helt i blong mekem sua se populesen blong Vanuatu I healthy oltaim.
 
Tudei, Vanuatu I kat jalens blong fesem climate change impact we imekem se fulap ples long Vanuatu istap kat shortage blong water imekem se plante man oli nokat access long safe mo clean water. Olsem we water emi basic need blong  yumi man, proper use blong water  isafe redusum over 40% blong ol sik we tudei ol man imas ko long haus meresin blong tekem treatment from, olsem sik Trachoma. Ministry blong Helt mo WHO istap promotem safe mo clean water from basic hygiene emi important blong keepim body blong yumi iklin oltaim mo preventem sik olsem sit sit wota mo Trachoma ino kam andap long Vanuatu.
 
 
 
 
Emi no festaim we Ministry blong Helt mo Kafman I karemaut campaign blong kifim meresin long populesen blong Vanuatu. Long 1991 long aelan blong Aneityum, Ministry blong Helt mo WHO I kifim long olketa man Aneityum meresin blong sik malaria olsem Chloroquine ,Fansidar mo Primaquine  long 9 weeks mo mekem se tudei, inomo kat malaria long Aneityum long last 25 yia. Long yia 2000 kasem 2004, Ministry blong Helt mo WHO ikaremaut MDA wetem DEC mo ivermectin  blong aotem sik bik leg or  lymphatic filariasis. Tudei inomo kat active transmission blong sik big leg long Vanuatu , mo long 2017 WHO bambae emi stap declarem se sik big leg or lymphatic filariasis inomo kat long Vanuatu.
 
Long August 2016, Ministry blong Helt mo WHO wetem financial support blong Fred Hallows Foundation bambae I karemaut MDA campaign akensem sik Trachoma. Meresin we yumi everiwan bambae yumi dring one taim nomo emi Azithromyzine.  Azithromyzineemi wan strong meresin we ino kilim bebet blong Trachoma nomo be emi daonem tu ol sik olsem sit sit wota, Sexual transmitted Infections or STIs mo sik Yaws.
 
Long 2013, Ministry blong helt mo WHO I karemaut mass tritmen blong populesen blong Tanna mo ol result blong campaing long taim ya i showem se ol sik man we oli stap visitim Lenakel hospital I drop long 700 man long wan manis ikam daun long 100 man long wan manis. Long taim ya, out patient blong Lenakel hospital inokat sik man over long wan period blong 2 manis. Emi stap demonstraitem positive impact blong meresin ya Azithromyzine, same meresin we bambae yumi everiwan I drink long campaign we yumi launchem tudei. 
 
Vision blong Ministry blong Helt emi, PREVENTION IS BETTER THAN CURE. Therefore emia emi message blong mi on behalf long Kafman blong Vanuatu se long 15 August kasem 15 September 2016 mi stap urgem yumi everiwan long Vanuatu, stat long Torres kasem Aneityum,  blong  participate mo drink meresin Azithromyzine blong daonem sik Trachoma long Vanuatu. Sam man bambae oli complain se be mifala ino sik blong tekem meresin. Sapos yu no tekem meresin bambae sik Trachoma ikontinue blong affectem yu mo family blong yu from we target blong MDA campaign ya emi blong  achifim 100% treatment coverage, mi repeat bakeken, se target blong MDA campaign ya emi blong achifim 100% treatment coverage. Olsem we Ministry blong Helt mo WHO I demonstraitem finish long ol MDA long 1991, 2000 mo 2013, mi wantem reasurum yumi everiwan se decision blong yu blong tekem single dose blongAzithromyzine,  bambae emi helpem kafman mo people blong Vanuatu blong aotem ol nokut sik  olsem trachoma so that future generations blong Vnauatu bambae oli safe live long environment we I healthy oltaim.
 
After long MDA campaign ya, Ministry blong helt bambae emi wok wetem UN agencies olsem WHO, UNICEF mo UNFPA blong mekem sua se program blong access blong clean mo sef water ikam andap. Wota mo hiegyne emi important from we impact blongAzithromyzine bambae imekem sik iko down moa, be sapos populeisen blong Vanuatu inokat access long safe mo clean water mo sapos practices blong iusum water ino jenis bambae sik Trachoma I safe kam antap bakeken. Bambae Ministry blong helt I   sapotem effort blong inkrisim access blong safe mo clean water mo continue blong promotem hand washing throughout long Vanuatu, wetem support blong lead kafman agencies olsem rural water supplies mo health partners  mo UN agencies.
 
Finally, mi wantem expressem bikfala tankiu iko long Fred Hallows Foundation Australia we I providem financial support blong mekem se Ministry blong Helt isafe karemaut Trachoma MDA campaign ya. Since we representative blong olketa I present wetem yumi tudei, mi askem em blong conveyem tok tankiu blong Kafman mo people blong Vanuatu  iko long Fred Hallows Foundation Australia from generous financial support blong olketa. Tankiu long Pharmaceutical company, PFIZER we I donate free Azithromyzine long Ministry blong Helt from MDA campaign ya. Tankiu yu tu long WHO we I providem funding mo Technical support long program blong Neglected Tropical Diseases wetem Trachoma we I lukim tudei Vauatu bambae emi markem wan milestone long public health history blong daonem wan moa Communicable Disease  long Vanuatu. Tankiu long organizing committee blong Trachoma MDA campaign we bambae oli spearhedem activities blong campaign ya mo tu tankiu long Kafman, UN Agencies, NGOs, Community leaders, Church leaders, Women’s group, youth group, provincial kafman mo local authorities, volunteers mo health workers long Vanuatu we bambae i karemaut  Trachoma MDA campaign ya stat long 15 August kasem 15 September 2016.
 
 
Mi wishim yumi everywan, successful MDA campaign blong aotem sik Trachoma long Vanuatu mo wishim yumi everyiwan  prosperous mo healthy life.
 
Wetem ol toktok ya, mi nao kat opportunity blong announcem olsem Minister blong Health se, .. long nem blong Ministry blong Helt, long nem blong Vanuatu Kafman mo long nem blong people blong Vanuatu, mi stap officially declarem  se, Campaign blong drink meresin blong aotem sik Trachoma long Vanuatu, emi officially launched”.
Long end blong tok tok blong Mr Toara, ol man blong health, oli bin givim fes meresin long minista mo ol nara big big man blong health we oli stap long taem blong ofisiol launching ia.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s