Gavman severens:PM Salwai i solvem krae blong ol wokman


IMG_3562
Praem Minista Charlot Salwai, hemi handemaut long namba 29 Julae ol fes mani cheque blong ol wokman blong gavman we oli ritae. Ol foma wokman blong gavman, oli bin wet gogo blong kasem mani blong olgeta be no gat. Plande long olgeta, oli ded finis. Ol famili blong olgeta we oli kam kasem mani blong olgeta long ofis blong praem minista, oli bin kasem mani ia mo oli krae.
Praem minista i talem se hemia i wan rait blong ol wokman blong gavman blong kasem mani taem we oli finis wok. Mr Salwai i talem se gavman we hemi lidim tede, bae hemi no gohet blong brekem lo we hem yet, hemi mekem be hemi mas pem ol wokman blong hem.
Hemi talem se ikat sam we oli askem go go be ino mo oli traem blong go long kot from we pipol blong Vanuatu ino kat inaf mani blong oli save pem ol loea.
“Tede moring yumi kam tugeta blong gavman blong yumi we mi lidim tede, hemi save handem ova severance pay blong yufala mo blong olgeta we oli nomo stap wetem yumi long ol famili blong olgeta.
Mi olsem Praem Minista blong yumi long tede, mi andastan se ol CLAIMS blong severance pay, hemi no blong yestede nomo be hemi pitim ten yia igo antap.
Mi andastan tu se evri yia, palaman, hemi bin stap pasem budget blong kavremap severance pay blong wan wan gavman dipatmen be taem we mani i aut long ministri blong fainens, ministri mo dipatmen, oli nomo mekem ol mani ia i sevem purpose blong olgeta.
 Ol mani ia, oli bin spendem long difren eria be in oblong pem severance pay blong ol wokman blong hem.
Hemia, hemi lid igo blong ikat AKUMULESEN blong ol claims blong severance pay.
Gavman blong yumi we mi lidim tede, hemi disaed blong tekem wan niu dareksen mo niu dareksen ia, hemi stap tu insaed long 100 de plan blong gavman blong yumi mo tede,  yumi witnesem wan long olgeta risal blong hem.
Folem problem blong AKUMULENS blong ol severance pay, bae mani blong severance pay, bae inomo go long ol ministri mo dipatmen. Bae hemi stap nomo long ministri blong fainens.  
Gavman blong yumi we mi lidim tede, hemi tekem desisen tu blong stat naoia igo blong hemi pem, ol wokman blong hem we oli ritae long evri yia mo bae ikat budget blong hem.
 Hemia, hemi blong mekem se fasin blong ol civil servant blong wet long mani blong olgeta, bae hemi no happen olsem ol yia we i pas mo tede, yumi kam blong sotemaut.
Hemi wan responsabiliti blong gavman OF THE DAY blong hemi mas pem from we hemi wan rait we ol wokman blong gavman, oli kat.
Yumi statem festaem wetem olgeta we oli nomo stap long wok fos blong gavman.
 Gavman blong yumi, hemi disaed blong hemi statem blong pem festaem ol foma civil servant we oli ded finis mo olgeta we oli ritae long medical ground.
Seken stage blong payment blong severance pay, bae hemi go long olgeta we oli ritae mo oli nomo stap long pablic seves. Nekis payment, bae hemi go long civil servant we yia blong olgeta, hemi ova 65 yia igo antap folem wetem olgeta oli stap long 60 tu 65 yia folem wetem olgeta we oli aktif lelebet mo yia blong olgeta istap 55 kasem 60.
 Fasin ia, bae hemi save mekem se Public Service Commission, hemi save planem wan gudfala TRANSISINOL PERIOD from we ino gud gavman i pem wan taem olgeta wokman blong hem we oli ritae ale bae ino gat ol wokman long ol dipatmen.
Gavman, hemi nidim blong ikat kontinuitu long seves igo long ol pipol blong hem.
Long saed blong ol teachers we oli ritae mo oli stap tits yet, bae gavman blong yumi, bae hemi luk luk long olgeta long taem blong bigfala spel nomo.
 Blong karemaut eksesais ia, gavman bae hemi spendem moa long 2.4 bilien vatu. Long las session blong palaman, yumi bin apruvum ova 300 milien vatu mo mani ia, bae yumi statem payment long hem. Long nekis session blong palaman long manis Septemba, bae palaman blong yumi i pasem nara 2 bilien vatu blong komplitim payment blong ol severance pay blong ol wokman blong hem.
Sam pipol bae oli ting se 2.3 bilien vatu, hemi bigfala mani blong spendem be gud saed blong hem se ol famili we yufala i kasem mani tede, yufala i citizen blong Vanuatu mo mani ia, bae yufala i spendem bagegen nomo long kantri. Yufala ol famili ia ino blong nara kantri blong karem mani ia mo go wetem. Mi stap enkarejem yufala blong mekem gud ius blong mani ia blong benefitim ol famili blong yufala long taem we istap kam.
Mi stap tekem taem ia olsem lida blong gavman blong yumi long tede blong talem bigfala tankiu long PATIENT blong yufala blong yufala i save wet kam kasem long tede”.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s