PM Salwai i gohet blong kasem praise from 30 Independence aniverseri speech


IMG_3739
Hemia  tok tok blong PM Salwai blong makem 36 indipendens aniverseri:
 
“TOKTOK BLONG 36TH ANIVERSARI BLONG INDEPENDENS BLONG RIPABLIK BLONG VANUATU
 
HON. CHARLOT SALWAI TABIMASMAS
PRIME MINISTER
 
 
 
 
RECOVERING THE NATION TOGETHER FOR A NEW AWAKENING FOR THE REPUBLIC OF VANUATU
 
***
 
 
REDRESSER LA NATION ENSEMBLE POUR UNE NOUVELLE PRISE DE CONSCIENCE POUR LA REPUBLIQUE DE VANUATU
 
***
 
 
LEFTEMAP NEISEN TUGETA BLONG PUTUM RIPABLIK BLONG VANUATU LONG WAN NIU DAEREKSEN
 
 
 2016 Celebration Theme:
 
RECOVERING THE NATION TOGETHER FOR A NEW AWAKENING FOR THE REPUBLIC OF VANUATU
 
REDRESSER LA NATION ENSEMBLE POUR UNE NOUVELLE PRISE DE CONSCIENCE POUR LA REPUBLIQUE DE VANUATU
 
LEFTEMAP NEISEN TUGETA BLONG PUTUM RIPABLIK BLONG VANUATU LONG WAN NIU DAEREKSEN

Salutations and Acknowledgements

 
His Excellency, President Father Baldwin Lonsdale, Hed blong State ;
Honourable Speaker blong Parliament mo Mrs Esmon Sae mon;
Honourable Chief Justice, Vincent Lunabek mo Mrs Lunabek;
President blong Malvatumauri Kaonsel  blong ol Jifs, Jif Seni Mao mo Mrs Mao;
Honourable Deputy Prime Minister, Joe Natuman mo Mrs Natuman;
Honourable Leader blong Opposition Alatoi Ismael Kalsakau mo Mrs Kalsakau;
Honourable Ministers blong Government mo ol Spouses blong yufala;
Ol Honourable Members blong Parliament;
Excellencies, Members blong Diplomatic and Consular Corps;
Lord Mayor blong Port Vila, Ulrich Sumptoh mo Mrs Sumptoh;
Lord Mayors blong Luganville mo Lenakel Municipal Councils;
Presidents blong ol Provincial Government Councils;
Chairman blong Vanuatu Christian Council;
Chairman blong Vaturisu Council blong ol Jif;
President blong Vanuatu Chamber of Commerce mo Industry;
Heads blong ol Regional mo International Organizations long Vanuatu;
Representatives blong ol difren Non-Government Organization long Vanuatu;
Ol Jif, ol Church, ol Women, ol Youth mo ol Disability Leaders;
Invited Guests;
Everi Visiting Friends blong Vanuatu;
Ol Civil Servant blong Kafman;
Olgeta pikinini boy mo girl;
Ol man, ol woman mo ol yangfala long Vanuatu.
 
 
Welkam
Welkam long yumi everiwan we yumi stap tedei mo everiwan we oli listen long radio or TV tru aot long kantri, mo olgeta we oli stap joenem yumi lo celebrasen ia around lo region mo lo narafala part long wol. Tankio long presence blong evriwan.
 
Bifo mi kivim aot tok-tok blo mi, mi askem long yumi evriwan i stanap mo tekem wan minit saelens, blong tingbaot mo honorem ol founding fathers blong nation blong yumi from stragol blong indipendens mo tu evri Ni-Vanuatu we oli contribute long ol development blong Kaontri be oli nomo stap wetem yumi tedei.
 
Almighty God we yu stap long Heaven, mifala ie talem tankio from all servants we oli givim laef blong olgeta long service blong Nation ia. Kivim long olketa  mercy blong yu mo light blong presence blong yu blong mekem se ol vision we Yu bin startem oli save kam  true long taem blong mifala tedei.
 
Tedei 30th July 2016 i markem wan nara Memorial Day blong yumi we yumi kam tugeta blong selebratem 36th aniveseri blo independence blong kantri blong yumi. Yumi celebratem fridom blo yumi lo colonial rule. Tru long struggle mo vision blong ol founding lidas, yumi save stap tedei olsem wan fri mo independent Nation.
 
Long selebresen blong tedei, yumi tingbaot olgeta citizens blong yumi we oli sick, ol olfala blong yumi mo ol man mo ol woman we, from any reason, oli no save sherem dei ia wetem yumi.
 
Long selebresen ia too, yumi tingbaot ol brata mo sista blong yumi long Kanaki, Tahiti mo West Papua we oli still struggle blong kasem politikol fridom blong olgeta.
 
Identity, political aspiration mo sovereignty blong yumi long Nation hemi reflect long national flag blong yumi we yumi stap honorem everi taem yumi flaem.  This year Kavman hemi putum out wan message blong patriotism blong every fellow citizen blong hem. Yumi, Yumi ol man Vanuatu, yumi strong mo yumi fri, mo yumi proud from nation blong yumi. Yumi no mas fraet blong flaem flag blong Kaontri blong yumi long every kona blong Nation ia. Flag blong yumi hemi talemout long wol se yumi wan independent sovereign Nation we yumi patriotic about identity, mo yumi proud from nationality blong yumi. Yumi mas tijim every pikinini blong nation ia blong respectem mo lavem kantri blong yumi we Hae God hemi kivim long yumi.   
 
Olsem wan democratic Kaontri, yumi must kipim flame blong democracy i light i go long fuja as yumi stap buildem Nation blong stanap againsem ol disaster mo ol Jalenjes we oli kam blo testem mo shekem  faondesen blong Kaontri blong yumi. From risen ia yumi mas wok tugeta blong buildem wan Nation we bambae hemi save fesem mo confrontem ol Jalenjes ia mo unitem ol pipol, taem yumi stap move igo together long fored.
 
Yumi bin ko thru long fulap diferen kaen disaster, Natural mo man made. Yumi luk save se ol vulnerability mo jalenjes ia, oli mekem se yumi  kam more strong. Ol Jif wetem ol Church Leader blong yumi, oli helpem yumi blong yumi toktok tuketa blong faenem solusen blong yumi i kam mo gud mo sem taem ikat pis mo harmony oltaem, mo laef blong ol pipol we yumi wok  wetem olgeta ikam antap. Hemia hemi kalja mo fasen blong yumi we yumi mas holem taet insaed long community mo family.
 

1.      On Going Jalenjes mo ol Non Performance issues:

Olsem wan independent Nation, Vanuatu i stap fesem fulap ol jalenjes wetem ol non performance issue long national mo international level.
 
Governance
 
Long last yia 2015, Kaontri i bin go tru long wan bigfala politikal kraesis we i luk sam Memba blong Palemen oli bin lusim seats blong olgeta mo go lo kalabus, Palemen ibin dissolve mo yumi bin kat snap election long early this yia.
Long Governance, Kaontri i still fesem ol issue blong accountability wetem politikol instability.
 
Financial Position
Kaontri i fesem fulap jalenjes lo saed blong ekonomi we ie affectem bigwan koleksen blong revenue mo i mekem se serves delivery ino ko long ol pipol tru out long Vanuatu.
Kavman I experiensem too plande unnecessary spendings.
 
Sovereignty
Long issue blong mani laundrying, early long tis yia i luk Vanuatu i stap lo grey list from we ol systems blong yumi oli no transparent inaf blong allowem exchange blong information
 
Tourism
Lo beginning blong las yia 2015, yumi bin ko tru long wan Categori 5 Cyclone Pam we i kosem fulap damej long Kaontri blong yumi mo tu yumi luk some citizens blo Nation ia oli lusem laef blong olgeta.
Ol damej ia oli causem too kanselesen long ol international flaets we ie bin kat bigfala impact long tourism indastri mo ekonomi blong yumi.
 
Least Develop Kaontri (LDC) –  Kavman I recognisem eventual graduation blo Vanuatu lo group blo ol Least Develop Kaontri lo 2020 we bae I mekem se Vanuatu bae lusum akses long plande preferential treatment long international level.
World Trade Organization (WTO) – Kafman blo tedei hemi olso recognisem that taem ol requirements blo WTO oli kam into force, mbae yumi lusum plande revenue mo bae I afektem serves delivery.
 
Public Service Commission (PSC) hemi wan institution we i gat fulap ol olfala woka we oli kasem retaimen age finis but from we Kavman ino save pem ol severance blong olgeta mekem se oli stil stap long serves mo situesen ia i afektem performance mo prodactivity blong Kavman.
Mo ikat injustice lo benefits blo ol public authorities: start long State Office, Parliament, Executive, mo ol workman blong Kavman.
 
Education system blong yumi ino adressem gud iet issue blong akses, quality mo scholarship blong givim value added long everi man Vanuatu. Mo scholarship I must provaedm moa opportunity long Tertiary level locally.
 
Health -Blong Vanuatu i develop long wan positive direction, hemi nidim se population blong hem i must healthy oltaem – curative health hemi expensive tumas blong ol pipol blong yumi. Food security hemi wan related issue we I causem ol deceases.
 
 
Housing – Akses long housing too iestap olsem wan bigfala jalenj folem growth blo population blo yumi especially lo ol peri-urban communities blo yumi.
 
Youth Unemployment– Unemployment blong ol Youth i wan nara bigfala issue tedei long ol Urban Centers blong yumi. Fulap University graduates mo local graduates oli no gat wok mo oli kontinu blong stap lukaotem wok. Over 68% blo youthful populesen oli anda long 30 yia.
 
National SecurityNational Security blong Kaontri ino perform good from namba blong ol memba blong Fos i smol compared wetem size blong population, blong lukaotem ol border control mo plande memba blong Fos oli olfala finis.
 
Law mo JusticeJustice long Vanuatu i stap naoia olsem wan very expensive service.
 
DesentralisesenSystem blong decentralisesen blong yumi I established finis, we istat long National Kavman, igo long Provincial Kaonsel mo i finis wetem Eria Kaonsel. Sam how, sharing blong wealth blong Nation ino folem structure ia mekem se 80% blong population oli continiue blong miss out long system.
 
LandIkat wan reality we istap long Kaontri tedei: evri citizen oli no kat akses long kraon, hemi olsem we oli stranger mo bae I sad blong wan indegeniou Ni-Vanuatu I trabol long home Kaontri blong hem. Ol issue blong ol kraon blong yumi oli continue blong stap olsem obstacle long development blong Nation folem ol dispute blong land ownership. Process blong wan investor o wan Ni-Vanuatu i akses long wan kraon i longfala tumas mo i administratively complicated.
 
2.     Direction we Kavman I tekem blong deal wetem ol Jalenjes ia:
Ol Jalenjes ia oli mekem se Kavman I adoptem wan 100 days plan blong undertakem sam reform.
 
·        Long Governance,  Kavman  i stap gohead naoia long politikal refom:
Ø blong regulatem transparency blong wan Motion blong nogat trust;
Ø blong regulatem time we i save gat wan Motion blong nogat trust;
Ø mo blong regulatem ol politikol parties blong avoidem crossing blong floor.
Mi glad blo talem sei lidaship blo naoi hemi commitim hem fulwan blo wok wetem ful haos blo Palemen blo karem ol refom ia iko foret blo betterment blo Nation blo yumi tudei mo ol fiuja generation. Samfala reform ia bae oli must go long referendum blo pipol I disaed long olgeta.
 
·        Long fiscal reform, Kavman i stap naoia blong prioritizem ol expenses blong hem. Mi givim exampol long issue blong Kavman vehicle: Kaontri ino nidim blong gat plande G. vehicle from we:
Ø Kavman i setemap own information system blong hem we OGCIO nao i lukaotem blong sendem mo risivim information long real time;
Ø Kavman i setemap Vanuatu Post Ltd blong deal wetem ol mail;
So Kavman i disaed naoia blong katem daon namba blong ol vehicle blong hem.
·        Wetem ol issues blong revenue, Kavman we mi lidim i establishem wan Revenue Governance Committee blong lukluk long ol revenue inisiative wei
 
Kavman i save kolectem, blong sapotem ol serves blong hem. Fulap long ol bigfala tingting ya oli fol inlaen wetem National Sustainable Development Plan (NSDP 2016 – 2030) we bai i luk ful implimentesen blong hem bai i stap long nekis yia i ko.
Tax reform bae I includim sam new tax blong fundem ol social serves igo long pipol blong Vanuatu olsem fri education wetem fri health.
·        From we Kavman i plan blong borrowem some funds, tedei, Kavman i fesem wan fiscal pressure we mi biliv se hemi temporary from we Kaontri istap long wan process blong ol development blong ol ambitious infrastructure blo hem mo hemi nid nomo blong kat wan prudent fiscal policy we i key blong Vanuatu’s fiscal sustainability mo macro stability.
 
·        Long issue blong mani laundrying, Kavman blong yumi i raet i go long FATF president blo givim assurance se Vanuatu i komited blong implementem wan financial mo ekonomic system we i secure mo transparent blong avoidem mani laundering mo ol activiti blong terrorist financing.
·        Wok blong karem out Kaontri long grey list mo solvem ol issues blong hem bai i go hed kasem June 2017 mo Palemen bae i passem ol required legislation long nekis session blong hem mo hemi very important blong passem ol Bill ia long this yia nomo.
 
·        Activity blong Tourism i gohed bakeken mo mi glad blong announsem se Kavman blong yumi hemi bin addressem issue blong ol international flights, we evriwan oli restored mo ol hotels oli bin openem door bakaken finis. Kavman hemi muv beyond long jalens ia blong maintenem international airport long Port Vila mo hemi plan blong upgradem Bauerfield airport iko long code E standard we hemi minim se wetem plan ia bambae yumi save karem olgeta international flights long future ikam long ol markets outside long Pacific.
Mi tekem opportunity blo talem tankio long private sekta, especially ol owners blong ol hotels wetem ol airline companies long effort we oli mekem blong buildim bak sekta blong tourism.
 
·         Long jalens blong LDC, Kavman hemi stap tekem step blo ensure sei yumi kat ol structure mo mechanism oli setap blo absorbem any impact wei graduation blo yumi hemi save causem.
 
·        Mo folem ol requirements blong WTO, ol key institusen blo Kavman oli ko hed naoia blo putum ol system in place blo helpem Kaontri blong i mitim impact blo WTO. Mo Kavman ino kat choice but I must gohed wetem tax reform blong adressem issue blong shortfall blong revenue.
 
·        Long Public Service Commission, Kavman blong yumi i putum olsem wan priority blong pemaot ol severance pay wetem ol entitlements blong ol workman blong hem we oli lusum life lo serves, olgeta we oli karem eli retaimen, olgeta we oli retai long medikol kraons mo olgeta we oli risaen. After long hemia, Kavman bae pemaot olgeta we oli ova long 65 yia igo andap mo bae hemi complitim process wetem olgeta we  oli stap long 55 yia kasem 65 yia.
 
 
·        Mi klad blong announsem tedei se Kavman i securem wan funding finis mo mi glad blo talemaot sei paymen ie stap happen finis stat long wik ya. Exercise ia bae i mekem se 400 jobs bae oli avelebol mo bae i allowem Public Service blong recruitem ol graduate young pipol blong yumi we tede oli stap lukaotem wok iet. Mo Kavman I biliv se way blo recrutem new man power igo long ol Departments be I mekem se serves delivery bae I moa efficient.
·        Kavman i commissionem PSC too blong reformem ol structures we oli exist blong decentralaesem ol Departments igo long ol Provinces wetem ol Eria Kaonsels blong mekem se use blong work force I moa efficient.
·        Mo Government Remuneration Tribunal (GRT) i stap mekem wok naoia blong harmonaesem ol salaries mo entitlements blong ol workman:
Ø Ol wokman blong ol  public institutions start long Head of State igo daon; mo
Ø Ol wokman blong ol State Own Enterprise (SOEs). Palemen bae ie tokbaot Bill blong olgeta long nekis session blong hem. Law blo ol SOEs I blo mekem sua se oli must be profitable mo oli must givim bak serves I kam long Kavman wetem pipol blong Vanuatu.
 
·        Long Education, Kavman i wandem se fri akses long education i must go kasem Yia 10:
Ø blong fulfilim requirement blong Convention blong United Nations blong Rights blong ol pikinini blong akses long fri education kasem 16 yia hold;
Ø blong mekem se ol students we oli kasem wan certain maturity finis oli save disaed wether oli continue long ol tertiary institutions o oli go long ol technical schools mo kam ol skil labours;
Ø blong givim value added long ol citizen blong yumi;
·        Kavman i lukluk too long some options blong supplementem ol Scholarship mo blong directem gud ol students folem requirement blong employment we Kaontri i nidim blong muv forward.
·        Kavman I tingting seriously too blong mekem I available wan specialized education system blong ol disable citizen.
 
·        Kavman i wandem se ol issue blong preventive health care wetem food security oli kam ol important component blong work we Department blong Health mo Department blong Agriculture, tufala i must continue blong mekem awareness long hem oltaem.
 
·        Folem growth blo population Kavman istap wok long wan policy blong putum some plan mo mechanism blong Housing in place blo start blo addressem jalens ia bifo i kam wan bigfala problem.
 
·        Blong deal wetem Unemployment blong ol Youth, Kavman i kat strong tingting blong krietem wan Ofis blong National Employment we i lukluk nomo blong registerem olketa we oli lukaotem wok wetem ol institutions we oli nidim ol man blong wok blong alowem fair recruitment folem merit blong wanwan citizen.
 
·        Long Jalens blong National Security, Kavman i tingting strong:
Ø Blong Inkrisim namba blong ol memba blong Fos blo kivim confidence long ol genuine investors se law mo order bae oli prevail oltaem mo blong assurem ol Tourists se Vanuatu istap olsem wan safe place blong oli kam spendem holliday long hem; security blong ol citizen hemi also very important.
Ø Blong Kat ol scientific police, leftemap level blong training mo putum ol memba blong police, at least blong startem, long wanwan aeland blong Vanuatu. 
 
·        Mo Kavman i wandem too se Justice long Vanuatu i must open mo i afordeable long evri citizen blong hem – justice i must stop blong stap olsem wan luxury service we olgeta we oli kat Vatu nomo oli save akses long hem.
 
·        Long decentrelaesesen, Kavman blong tedei i wandem addressem issue blong sharing blong wealth ia tru long budget blong 2017 we, Palemen bae hemi approprietem budget blong wanwan Eria Kaonsel we bae hemi difren long budget blong Provinsol Kaonsel. Wanwan Eria Kaonsel nomo bae i disaed long ol development priority blong hem we bae i mekem folem ol criteria we Kavman i setmap olketa. Hemia hemi wan niufala rod we Kavman blong yumi tedei hemi stap tekem blong expandem development long ol rural eria blong yumi.
 
·        Mo long saed blong Land, Kavman ia i wandem se yumi sherem fairly ol kraon blong yumi blong mekem se evri citizen oli gat chance blong participate long economic development blong Nation blong yumi.
Wok blong solvem ol dispute, Kavman I must putum moa fund mo inkrisim fund blong compensation. From we Kavman I nid blong expanem boundary blong Port-Vila wetem Luganville town mo krietem ol public land long ol provincial centres.
 
·        Ol geniun claim – Kavman ikat plande claim we oli geniun mo yumi no save continiue blong sarem eye long olgeta from we ol outstanding issues ia oli afektem laef blong ol pipol blong yumi.
Kavman bae I setemap wan bodi blong deal wetem ol geniu
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s