Minista Warsal i ofisioli openem lafet blong aniverseri blong independens tede afternoon


IMG_3493
Hemia nao, hemi tok tok blong Minista blong Jastis mo Komuniti Servis, Ronald Warsal:
 
“Hemi wan honour long mi blong mekem short address ia long occassion blong 36th Victory Parade blong startem selebresen blong namba 36 Independence Anniversary blong Republic blong Vanuatu. Me stap mekem address ya lo behalf blo Minister blo Internal Affairs, Honourable Alfred Moah, we hemi no save stap.

Yumi talem thank yu long God from Kaontri blong yumi Vanuatu hemi gat Peace mo Joy.

Yumi mas tekem smol taem blong tingbaot ol olfala we oli pass away finis mo sam we istap yet wetem yumi we oli bin stragel from Independence we yumi stap enjoyem tedei.

Yumi tekem smol taem tu blong tingbaot ol bratas mo sistas blong yumi long wan solwora blong yumi we iven tedei, oli no gat sem kaen fridom we yumi stap makem 36 yia blong hem tedei. Yumi tingbaot ol brata mo sista long Kanaky,Tahiti, South Moluccas mo West Papua. Toktok bong late Father Walter Lini hemi remindem yumi se yumi no rili free until ol brata mo sista blong yumi tu oli free. Yumi no rili free taem ol sekuriti force blong ol kaontri we oli colonisem ol brata mo sista blong yumi oli stap kilim ol brata mo sista blong yumi. Yumi no rili fri sipos yumi letem politics blong mani ikam stopem yumi blong no toktok from raet blong ol brata mo sista blong yumi. Yumi no rili fri sipos yumi letem fasen blong fraet long bomb o masket i stopem yumi blong toktok from fundamental raet blong ol brata mo sista blong yumi. Yumi no rili fri sipos aedentiti mo graon blong ol brata mo sista blong yumi istap anda long bondage blong korapsen. Yumi no rili fri sipos ol sweat blong ol wokman mo ol brain pawa blong ol skul man blong yumi hemi yus nomo blong steal, kill mo destroy. Yumi no rili free kasem taem we yumi kam blong rialaesem fridom we i talem se “Ye shall know the truth and the truth shall set you free.” Yumi no really free kasem yumi liv long fasen we i fasen blong laet mo yumi kam blong wokbaot mo laef long  fasen we i soemaot se “Where the Spirit of the Lord is there is Liberty.”

Mi jalenjem yumi long namba 36 Anniversari blong Victory Parade blong Republic blong Vanuatu blong celebrate olsem ol pikinini blong laet. Selebret olsem ol pipol blong Vanuatu, pipol blong God we i truly soemaot se yumi ol sons mo daughters blong God. Selebret long fasen we i soem se evri creature blong world ia we i stap anda long bondage of corruption mbae oli kasem liberty tru long manifestesen blong ol pikinini blong God.

Mi jalenjem Vanuatu blong rialaesem freedom ia long tingting, long words mo long aksen long end blong this July 2016.  Wokbaot olsem ol Free Man mo Woman. Putum long Smile blong yu. Holem Hed blong yu antap mo save se God hemi stap insaed long yu. Save se yu gat graon, yu gat pawa mo you gat authority blong jusum wan gud laef blong yu mo famle blong yu. Taem yu jusum gud, Vanuatu hemi gud. Then tumoro, mbae yumi continue blong wok, mo wok hard blong mekem se yumi neva lusum fridom blong kanotri blong yumi Vanuatu.

Long Torres Kasem Aneityum. Long hill blong Tabwemasana kasem Deepest Valley blong Teouma. Mi Minister blong Justice mo Komuniti Sevis, mi wishim yufala ol wandaful pipol blong God long Vanuatu wan Joyful mo Peaceful Independence Anniversary.

Long Live Vanuatu!

Long God yumi Stanap!

Thank yu tumas long attensen blong yufala mo God bambae i blessem yufala evriwan long occassion ia blong 36th Independence Anniversary blong Republic blong Vanuatu”.

 
 
Hon Vus Warorcet Nohe Warsal Ronald
 
Minister blong Justice mo Komuniti Sevis – Lo Behalf blo Alfred Moah, Minister blong Internal Affairs
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s