VCH nes i kasem asurens long DG se kontrak bae i redy long mande


IMG_2799
Ova long 30 nes blong Vila Central Hospital, oli bin hip long ministri blong health tede aftenun afta we kontrak blong olgeta, hemi finis tede.
DG blong health i promesem olgeta se Public Service Commission hemi redi long niu kontrak blong olgeta mo long mande nao, bae oli handem ova long olgeta.
Kasem long nekis mande, ol nes ia, oli disaed blong oli no wok festaem. Oli talem se oli wait long kotrak ale bae oli tes go bak wok.
Hemia, bae hemi mekem sam seves long VCH bae ino opereit kasem long mande be evri sikman, bae oli pas tru nomo long autpesen.
DG i talem se oli karemaut 19 milien vatu long ministerial budget blong pem ova long 200 nes truaut long kantri we oli stap long kontrak.
Niu kontrak blong olgeta bae hemi finis long end blong disemba long yia ia. DG i talem se folem plan blong gavman blong tede, ova long 200 kontrak nes ia, oli sapos blong kam permanen long end blong kontrak blong olgeta long Jun long yia ia be process hemi slow. Hemi talem se wan long olgeta risen hemi mani.
Plande long olgeta nes ia, oli stap sev long kontrak beis long sam yia finis.
Long foto, ol nes blong VCH wetem DG blong olgeta afta long end blong tok tok.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s