Palaman ordineri sesen ino finisim bill blong hem


IMG_2707
Fes ordineri sesen, hemi no bin save finisim apruvum 12 bill we President blong Republic, Father Baldwin Lonsdale, hemi bin anaonsem long taem we hemi openem sesen ia.
Ordineri sesen ia, hemi sapos blong stat long las mande be hemi no save gohet afta we ol 14 opposisen MP oli resis igo long kot se ikat breach blong konstitusinol raet blong olgeta. Appeal Court we hemi hae kot blong Vanuatu, hemi tes fainemaut se ol 14 MP, oli no kat
 wan smol pis blong konstitusinol raet blong olgeta we i bin brok.
Afta long ruling blong Appeal Court ia long las fraede long tina, palaman, hemi sidaon long fes ordineri sesen blong hem. Sot taem blong dibetem ol 12 bill ia, hemi mekem se palaman, hemi rovokem rul o standing oda blong palaman blong mekem palaman, hemi save gohet kasem 11 klok long naet long sem de ia.
Insaed long palaman, evri MP blong gavman, oli bin stap be long saed blong opposisen, oli no bin stap evriwan. Deputy lida blong opposisen mo foma praem minista, Sato Kilman mo opposisen VIP, Christophe Emmelee, tufala istap bitwin ol MP we oli no stap long taem ia. Ol 8 bill we oli bin dibetem long taem ia, lida blong opposisen, Ishmael Kalsakau mo ol nara fren blong hem we oli stap, oli bin sapotem. From we taem, hemi sot, lida blong gavman bisnis, hemi bin widroem 4 bill. Olsem yu luk long foto, i soem gavman saed long naet long end blong fes ordineri sesen ia.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s