Palaman i harem se ikat sam “GRASS OVER MP”


IMG_2645
Lida blong opposition, Ishmael Kalsakau, hemi no putum ”blanket” taem we hemi tok tok long palaman long ova long bill blong mekem jenis insaed long konstitusen blong Vanuatu.
Mr Ishmael i talem se ol MP, oli kamaut long wan wan nakamal mo wan wan jioj mo oli sapos blong kat respek mo iusim komon sens blong olgeta blong oli mekem wok blong ” Grass over” insaed long palaman. Hemi talem se fasin ia nomo, bae i mekem se bae ino kat “Grass over” long palaman. Seken man blong mekem tok tok afta long Mr Kalsakau, hemi MP blong Santo, Samson Samsen, hem nao, hemi tok tok. Toktok blong Mr Samsen, hemi wari moa long mani we gavman bae hemi spendem long politikol blong adresem isiu blong politikol  instabiliti blong kantri.
Nekis spika, hemi minista blong Ralph Regenvanu. Mr Regenvanu, hemi bin moa long Mr Kalsakau we hemi no tantanem tok tok blong hem. Mr Regenvanu i talem se Mr Samsen nao i mekem wok blong “Grass over”. Hemi talem se long las eleksen, hemi bin kontestem eleksen long wan politikol parti mo naoia, oli nomo save se hemi stap naoia long wanem politikol parti. Mr Samsen, hem wan nomo, hemi ronwe long gavman mo naoia, hemi stap long opposition.
Hemi talem se isiu blong “Grass over” pipol blong Vanuatu i taet long hem mo jenis blong konstitusen we gavman i wandem mekem, hemi blong daonem fasin blong jam jam. Mr Regenvanu i talem se jenis blong konstitusen, hemi no wan fes wan. Hemi invaetem Mr Kalsakau blong hemi go bak long hsitri blong Union blong Modereit Parti mo bae hemi fainem se Mr Serge Vohor taem we hemi bin praem minista, hemi bin mekem wan jenis finis long konstitusen. Mr Regenvanu i invaetem Mr Kalsakau blong hemi go luk polisi blong UMP.
Hemi talem se hem mo Mr Kalsakau, tufala i kamaut long sem konstituensi mo hemi traem blong askem ol vota blong hem se oli laikem instabiliti o no. Afta we palaman, hemi unanimously pasem bill long tede moning, tufala MP we i kamaut feswan, hemi Mr Samsen mo new MP blong Ambae, Jay Ngwele olsem we yu luk long foto.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s