PM Sogavare i propmes long PM Salwai blong W.Papua ikam MSG


IMG_1791
Praem minista blong Solomon Islands mo semtaem chairman blong Melanesian Spearhead Group, Manasseh Sogavare i talem se Solomon Islands bae hemi sapotem desisen blong gavman blong Vanuatu blong West Papua, hemi kam ful memba blong Melanesian Spearhead Group.
Mr Sogavare, hemi mekem toktok ia taem we hemi mitim Praem minista blong Vanuatu, Charlot Salwai Tabimasmas long tede.
Praem minista blong Solomon Islands i talem se hemi taem naoia blong ‘elevetem’ West Papua blong hemi kam memba blong MSG.
“You have my full support Praem  Minista”, Sogavare i talem long Mr Salwai.
Ino long taem i pas, Council blong ol Minista, hemi bin agri se long nekis miting blong MSG, bae  West Papua, hemi kam ful memba blong MSG,
“Bae mifala i sapotem yu long wanem we yu tokbaut” Sogavare i talem.
Praem minista blong Solomon Islands i talem se MSG, hemi wan strong group mo ol memba kantri, oli rise ova long ol problem we oli fesem tru long melanesian fasin.
Praem minista Sogavare i talem se strong solidariti blong ol melanesian kantri ia, hemi kamaut klia bagegen long wik ia long Port Vila taem we ol 5 Melanesian kantri, oli sapotem bid blong Solomon Islands blong hemi hostem nekis Pacific Gem.
Praem minista Salwai, hemi kongratuletem Mr Sogavare blong kantri blong hem, hemi save winim bid ia.
Praem minista Salwai i talem se nomata we Vanuatu, hemi bin fesem politikol kraesis be gavman we hemi lidim tede, hemi komitim hem blong Pacific Gem bae hemi stap long Port Vila long nekis yia.
Mr Salwai i talem tankiu long Mr Sogavare long sapot blong gavman mo pipol blong Solomon Islands long decisen blong gavman blong Vanuatu blong West Papua, hemi kam ful memba blong MSG long taem blong nekis sammit blong ol lida we bae hemi stap long PNG afta long ACP mitinng.
Praem minista blong Vanuatu i talem se long nekis wik, hemi stap travel igo long New Caledonia mo bae hemi tekem taem blong tok tok wetem lida blong FLNKS, Victor Tutugoro.]
Mr Salwai i talem se bae hemi infomem Mr Tutugor long sapot blong Solomon Islands long stand blong gavman mo pipol blong Vanuatu blong West Papua ikam full memba blong MSG.
“Mi tes wandem reiteretem se yumi cousin, yumi brata bae yumi wok tugeta from common interes blong yumi”, Mr Salwai i talem long Mr Sogavare.
Hemi talem se MSG, hemi blong yumi mo bae ikat ol autsaed influens be yumi mas go bak long kastom, kaltsa mo tradisen blong yumi.
Mr Salwai i talem se Melanesia, hemi riprisentem large mass blong populesen mo graon long region.
Mr Salwai i talem tankiu long gavman mo pipol blong Solomon Islands long posisen blong olgeta ova long isiu blong West Papua.
Hemi talem se isiu blong Darekta Generol blong MSG, hemi wan smol isiu nomo be yumi mas coperate from yumi wan nomo.
Mr Salwai, hemi sakemaut tok tok se Vanuatu, hemi stopem DG blong MSG blong hemi kam long Vanuatu.
“Gavman blong Vanuatu, hemi resem isiu nomo blong proces blong apoentmen blong MSG DG be hemi no bin stopem DG”, Mr Salwai i talem.
Praem minista blong Vanuatu, hemi talem long Mr Sogavare se hemi komentem hem wetem pipol blong Solomon Islands long andastanding boda bitwin Vanuatu mo Solomon Islands.
“Bae ino long taem bae yumi go luk luk long boda ia”, Mr Salwai i talem.
Mr Salwai i talem se Vanuatu bae hemi gohet blong sapotem Mr Sogavare olsem chairman blong MSG.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s