Malekula i hapi long kolta road


IMG_0691
Ol pipol blong Malekula, oli talem se oli hapi bigwan long kolta rooad long aelan blong olgeta.
Oli talem se kolta road ia, bae hemi impruvum bigwan kondisen blong raod blong olgeta long olgeta eria we transport, hemi bisi evri de.
Oli talem se aelan blong Malekula, hemi wan long olgeta aelan we hemi introdiusum ol sevis bus finis be oli fainem i hat blong ron long wan road we kondisen blong hem, hemi no gud.
Oli talem se ol bus sevis ia, oli helpem bigwan long olgeta pipol we oli wandem go long maket long Lakatoro o long hospital long Norsup.
Olgeta blong pipol blong Unmet we oli bin stap long graon breking blong kolta road ia long las wiken, oli hapi bigwan blong harem Praem Minista, Charlot Salwai, hemi talemaut se kolta road ia, bae hemi kasem long ples blong olgeta. Oli talem se ol eria olsem Unmet, hemi ol eria we oli saplaem ol lokol prodak ikam long maket long Lakatoro maket. Oli talem se hemi go kasem level blong kava. Taem trak ino save karem kava blong Unmet mo ol nara eria klosap, ol nakamal blong Lakatoro mo Norsup, oli no save opereit. Ol piopol blong Malekula, oli talem se projek blong kolta road ia, oli bin stap krae from long taem. Oli apil long ol memba blong palaman, blong oli ting baut moa intres blong ol gras mo mekem ol developmen olsem kolta road. Oli talem se taem palaman istap istap jenisim ol gavman, ol pipol long ol aelan, oli safa from we ino kat developmen, hemi go tru long olgeta. Oli presem koalisen gavman we Praem Minista Salwai i lidim from we afta long sam manis nomo we hemi go long pawa, pipol long ol aelan, oli stap lukim ol developmen projek istap tekem ples.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s