PM Salwai Kansel blong Minista i tsusum Joy olsem niu kandideit long DG MSG


 Praem minista Charlot Salwai Tabimasmas i talem se gavman we hemi lidim tede, hemi tsusum finis tru long Kansel blong ol Minista long las tasde se kandideit blong Vanuatu long posisen blong Darekta General blong Melanesian Spearhead Group, hemi ambassada blong hem naoia long Brussels, Roy Mickey Joy.
Mr Salwai i talem se nem blong Mr Joy, gavman blong hem i sendem finis igo long chairman blong MSG we hemi praem minista blong Solomon Island mo MSG secretariat long Port Vila.
Praem minista i talem se naoia, hemi stret taem blong Vanuatu, hemi holem posisen ia afta we Papua New Guinea mo Solomon Islands, tufala i bin holem posisen ia finis.
Mr Salwai talem se gavman blong Vanuatu, hemi kat konfidens long experiens blong Mr Joy blong hemi save mekem se melanesian organisation ia, hemi save kamaut long financial problem we istap fesem tede folem experiens blong hem long regional mo intanational organisation.
Appointmen blong wan new DG blong MSG, hemi wan long olgeta main agenda we ol lida bae oli luk luk long hem long nekis meeting blong olgeta.
Long las tasde, minista blong foreign affairs, Bruno Leingkon, hemi bin tabeilem wan pepa igo long Kansel blong ol Minista blong sapotem aplikesen blong Mr Joy blong hemi kam niu DG blong MSG.
Long taem ia, KOM, hemi instraktem ministri mo dipatmen blong foreign affairs blong askem blong PNG, Solomon Islands mo FLNKS i sapotem kandesi blong Mr Joy.
KOM, hemi bin instraktem ministri mo dipatmen blong foreign affairs blong tok tok wetem gavman blong Fiji.
KOM, hemi bin darektem tu gavman blong hemi raitem wan leta blong sapot long MSG chairman long kandideit blong Mr Joy long posisen blong DG blong MSG.
PRO
Hilaire Bule
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s