Regenvanu i askem Kalsakau blong no sloem daon wok


IMG_0606
Lida blong Political Rifom program blong koalisen gavman blong Prime Minista, Charlot Salwai Tabimasmas mo semtaem minista blong Lands, Hon. Ralph Regenvanu i resem wari long way we hemi lukim lida blong opposition, Hon. Ishmael Kalsakau, hemi sloem daon wok blong ol Palamentari Komiti.
Mr Regenvanu i talem se long taem fes extra-ordinary sesen blong palaman blong yia ia, hemia long namba 24 March, palaman, hemi bin pasem ol motion blong 8 parliamentri standing komiti.
Mr Regenvanu i talem se kam kasem tede, Mr Kalsaku, hemi no nemem yet ol representative blong opposition insaed long ol komiti ia blong oli save mekem wok blong olgeta.
Hemi askem strong long lida blong opposition blong hemi respektem desisen blong palaman mo hemi tsusum ol man blong hem insaed long ol komiti ia blong oli save mekem wok blong olgeta.
Ofis blong Prime Minista i save se speaker blong palaman, Esmon Sae, hemi raitem 2 leta finis igo long Mr Kalsakau blong abaut rol blong opposisen insaed long ol palamentri komiti. Seken leta blong spika, hemi karem date blong yesterday, 6 April, 2016.
Mr Regenvanu i talem se taem we saeklon, hemi bin kilim Fiji, Mr Kalsakau, hemi bin mekem nois long media se gavman, hemi slo blong asistim ol pipol blong Fiji. Minista Regenvanu i talem se gavman, hemi bin akt 2 de afta long saeklon ia blong helpem Fiji. Hemi talem se naoia hemi stap ronem wan manis be opposition ino mekem wok yet we i sapos blong mekem.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s