PM Salwai i wandem evri provins istap long 2017 Gem


IMG_0571 IMG_0572
Praem minister Charlot Salwai, hemi lonjen graon breking seremoni blong blong niu stedium blong Vanuatu long Kormaan Stedium blong hostem 2017 South Pacific Mini Games long tede 8 April 2016. Taem we hemi givim tok tok blong hem long tede moning, Mr Salwai I talem se hemi glad tumas blong hemi save tekem pat long graon breking seremoni ia blong mekem wok blong stanemap wan niu complex I save kirap blong Vanuatu, hemi save hostem 2017 South Pacific Mini Games mo ol nara sporting ivents long taem we istap kam.
Hemi talem se Korman Indoor mo Outdoor Stadium we long ples we bae oli buildim niu wan long hem, gavman blong Vanuatu I bin buildim blong hostem gem long 1993. Be from we yumi no lukaut gud hemia nao I mekem se yumi karemaut mo buildim niu wan. Praem Minista Salwai I talem se yumi mas glad from help we gavman blong People’s Republic of China blong kam helpem Vanuatu long projek ia. Hemi talem tankiu long Mr Chen Sichang we hemi  Asistant President blong China Civil Engineering Construction Corporation we I karem tim blong hem ikam long Vanuatu blong buildim niufala stedium ia. Praem minista Salwai, hemi talem tankiu long help we China, hemi save givim long gud hart ikam long ol pipol blong Vanuatu. Mr Salwai I talem se projek ia, hemi inklidim Indoor Gimnasium blong ple Indoor sports, wetem sam ofis, showers mo Outdoor Grandstand blong watchem ol sport olsem futbol, rugby mo ol nara outdoor sports bagegen. Hemi talem se atletik track we istap bae oli riplesem wetem niu synthetic running track. Long complex ia tu bae ikat x 6 International Standard Tennis Courts wetem x 4 IT Standed beach volleyball courts. Ol international facility ia, bae hemi mekem se bae hemi possibol blong Vanuatu, hemi save hostem bigfala regional mo international kompetisen we ino posibol kam kasem long tede. Cricket field mo archery court istap tu insaed long niufala sports complex ia.
Praem minista Salwai I talem se hemi tru Vanuatu, hemi bin winim bid blong hostem sports iven ia long 2001 be from plande sports faciliti blong Vanuatu I bin brok daon bigwan afta kantri, hemi safa plande folem saeklon Pam long last yia, hemi mekem wok blong buildim niu stedium ia, hemi leit kam kasem long tede. Mr Salwai I talem se weda, yumi no kontrolem mo hemi afektem ol sports fasiliti blong Vanuatu be wetem recoveri program we istap gohet we istap, yumi hop mo pray blong ol fasiliti ia, oli save ready gud bifo Vanuatu, hemi save hostem regional sport event ia long December 2017. Hemi talem yumi glad mo hapi se gavman blong China I save kam helpem yumi long projek ia.
Praem minista I talem se taem we projek ia, hemi finis bae hemi soem gud rilesensip we Vanuatu, hemi kat wetem gavman mo pipol blong China. Praem minista istap kol long ministri blong yut mo sports blong putum ol measures in place blong ensua se ol facility ia ino put long gud use nomo but maintenem long gud kondisen oltaem.
Praem minista Salwai I talem se 2017 mini gem ia, hemi impotem tumas from Vanuatu bae hemi hostem 14 sports disiplin mo evriwan bae oli kam long 22 memba kantri long Pacific anda long Pacific Games Council. Mo long 2 wik blong December 2017, bae Vanuatu, hemi hostem ova long 2 700 atlets mo ofisiol blong Pacific, oli kam guest blong yumi evriwan.
Praem minista I tekem opportunity ia blong asurem evriwan se “ inspite of our problems and difficulties through cyclones and man made disasters, lets make Vanuatu the Happiest place in the World”.
Praem minista Salwai, hemi inkarejem ministri blong yut mo sport blong gohet wetem program blong hem mo blong priperem ol atlet blong yumi mo mekem sua se evri provins mo aelan blong Vanuatu, oli represented. Hemi talem se yumi mekem extra efot blong achivim more medals blong demonstretem se yumi glad long wan niu faciliti.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s