Gavman i askem Kalsakau blong no mislid


IMG_0561
Lida blong opposisen, Hon. Ishmael Kalsakau, hemi should stop blong gohet blong stap mislidim ol pipol blong Vanuatu tru long media.
Long saed blong isiu blong Vanuatu Registry Services, VRS, Mr Kalsakau, hemi no should mislidim ol pipol mo kuestenem se 50% blong mani blong VRS, hemi wea?
VRS, hemi stat taem we Mr Kalsakau, hemi bin Attorney General mo hemi bin advaesem gavman tu long VRS long taem ia.
Ofis blong prime minista, hemi save gud se Mr Kalsakau, hemi save gud wea ples nao 50% blong mani ia, hemi stap long hem o hemi go long wanem kampani be hemi stap mislidim pipol blong Vanuatu se hemi no save. Koalisen gavman we prime minista Salwai i lidim tede, i talem se VRS, hemi stat taem we Mr Kalsalau, hemi stap yet olsem AG blong Vanuatu mo hemi no nomol se hemi no save se 50% blong mani ia istap wea.
Lida blong oposisen, hemi no pretend se hemi no save wea ples nao 50% blong mani blong VRS ia, hemi stap long hem mo hemi hem yet, hemi stap long gudfala posisen blong talemaut se mani istap wea komperem long gavman blong tede from we hemi bin advaisa blong gavman long taem ia.
Long saed blong  peimen blong ol wokman blong gavman, gavman blong prime minista Salwai, hemi asurem ol woka we oli ritae finis se hemi diuti mo responsabiliti blong gavman we hemi lidim tede mo ol gavman we bae oli kam long fiutsa blong oli mas peim ol wokman blong olgeta taem we oli ritae.
“Gavman we mi lidim, hemi stap luk luk wan gudfala program we bae hemi benefitim evri wokman we oli ritae istap mo olgeta we bae oli ritae yet. Yumi evriwan i save se mani we palaman i pasem las taem, 300 000 000 milien vatu hemi smol. Mani blong pem ol ritae wokman blong gavman, hemi 10 taem moa long hem ia we palaman hemi tes pasem”, Mr Salwai i talem.
Gavman blong prime minista Salwai, hemi komitim hem blong solvem wan lontaem isiu blong peimen blong ol wokman blong gavman we oli ritae mo ol past gavman ino bin save mekem be bae hemi mekem long wan fasin we evriwan bae oli kasem mani blong olgeta be ino samfala nomo.
Program we gavman istap wok long hem ia nao tede, bae hemi mekem evri wokman wantaem, oli save kasem ritaemen mani blong olgeta.
Gavman blong tede, hemi lukim impotens blong gavman mo ol semi-gavman organisation, oli mekem provision o redi long mani long evri yia blong pem, ol ritaem wokman blong olgeta be oli no mas lego i hipap olsem we hemi situesen naoia.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s