New Caledonia i buildim niu klasrum long Lycee LAB


IMG_0224
Hi tok tok blong Presiden Germain long Lycee LAB long las sande
Presiden blong gavman blong New Caledonia, Philippe Germain i talem se rilesen blong Vanuatu mo New Caledonia, hemi wan positive wan mo hemi stap strong oltaem long plande yia i pas finis long saed blong rilesen we hemi unaetem ol yang pipol blong Vanuatu mo New Caledonia. Mr Germain i talem se hemia, hemi wan chanis we tufala kantri, tufala ikat istap mo hemi lukim 120 yang francophones blong Vanuatu, oli stap go long evri yia blong gohet wetem stadi blong olgeta long  level blong universiti blong New Caledonia.
Mr Germain i talem se hemi very impoten blong ol student blong Vanuatu, oli priperem gud olgeta blong pasem DAEU blong oli save gohet wetem stadi blong olgeta long ol universiti blong New Caledonia. Presiden Germain, hemi mekem tok tok ia taem we hem mo minista blong minista blong edukesen, Jean Pierre Nirua, tufala i anvelem fandesen ston blong wan niu klasrum blong DAEU long las sande long Lycee Louis Antoine de Boungainville. Hemi talem se hemi save se long  bitwin 2012 mo 2015, DAEU long Lycee LAB, hemi karem nomo, hemi bin karem nomo 82 studen be long yia ia, namba I kasem 142. Mr Germain I talem se gavman blong New Caledonia, hemi luk save importens blong ol pikinini blong Vanuatu, oli kasem wan gudfala edukesen mo hemi putum impotens blong hemi kam patna wetem Lycee LAB.
Hemi talem se ino long long 2014, gavman blong New Caledonia, hemi helpem Lycee LAB blong hemi save kat wan gudfala saens laboretri. Long 2013, i bin kat ol exchange we hemi lukim sam titsa blong Lycee LAB, oli bin go attach wetem ol titsa blong New Caledonia long University blong New Caledonia. Hemi talem se ikat plande help olsem we gavman blong New Caledonia, hemi helpem Lycee LAB long hem.
Presiden Germain, hemi welkamem tu 27 milien vatu we Northern Province blong New Caledonia, hemi bin givim long Lycee LAB folem dameij blong saeklon Pam.
Hemi talem se gavman blong New Caledonia wetem HEART blong hem, hemi sapotem mo hemi wandem mekem se francophonie bae hemi gohet blong travel wetem ol valiu we oli hae long olgeta blong New Caledonia mo Vanuatu mo tu long Fiji, Tonga, Papua New Guinea mo long tufala big brata long region we hemi Australia mo New Zealand. Hemi talem se hemia, hemi wan strong komitmen blong gavman we hemi lidim ted emo bae hemi luk fowod blong ikat inaf mani blong gohet wetem mo blong developem igo long fiutsa.
Mr Germain I talem se antap long sapot blong gavman blong New Caledonia long ol valiu blong francophonie, komitmen blong New Caledonia long ol student mo ol titsa blong Vanuatu, hemi wan impoten ki blong fiutsa blong Vanuatu mo New Caledonia. Hemi talem se folem ting ting ia nao, Congress blong New Caledonia, hemi tes votem wan education projek long saed blong ol yang pipol blong hem blong oli save open moa long ol kantri long region mo oli fainem ples blong olgeta.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s