PM Sariboh Tabimasmas: Late Lini, man blong vision


P1040889
“Mi talem tankiu long God from laef, vision, wishdom mo lidasip we hemi bin givim long hem. Bae hemi kontiniu blong hemi stap olsem wan eksampol, wan tru lida we hemi bin lidim wan gavman blong 11 yia. Long 11 yia ia, hemi bin kat stability. Yumi kam tede long ples blong tingbaut wok blong hem mo semtaem yumi mas ting ting long wanem blong yumi mekem. Greiv blong Late Father Lini, bae hemi stap oltaem olsem wan ples blong yumi kam blong risosem yumi long politik klosap long hem. Yumi askem hem blong hemi stap klosap long yumi ol lida blong helpem yumi. Greiv blong hem, hemi wan ples blong karem aspiration. Yumi ol lida we istap tede, yumi mas tekem eksampol blong kontiniu blong mantenem lidasip. Tede yumi stap long greiv blong great leader ia, Late Father Walter Lini”.
Hemia, hemi ol tok tok we Praem minista Sariboh Charlot Salwai Tabimasmas, hemi mekem long greiv blong Late Father Lini.
Afta praem minista Sariboh Tabimasmas, hemi wetem ol minista blong hem, oli putum flaoa long greiv, oli bin muv igo long ples blong tok tok. Praem Minista i talem se Lini De, hemi wan impoten de be wanem lesin nao, yumi kam blong tekem long great lida ia we yumi kam blong tingbaut hem tede. Hemi talem se wanem lesin, yumi pikimap long laef blong hem. Praem Minista Sariboh Tabimasmas, hemi talem se long hem, Late Father Lini, hemi man of uniti. Hemi talem se hemi bin hedem Vanuaku Pati long 11 yia mo hemi ranem wan gavman blong 11 yia. Praem minista i talem se hemi wan taem ia nomo we i bin kat stabiliti.
“Hemi man blong vision mo wan man blong strong lidasip. Hemi holem taet prinsipol blong hem go kasem taem we laef blong hem, hemi finis,” praem minista i talem.
Hemi talem se long taem blong eleksen long 22 Januari pipol i tok tok. Ikat wan wan MP igo kasem 6 MP mo hemia i wan jalenj blong unifaem ol politikol pati blong oli kam wan. Praem minista i talem se ol politikol parti, oli disaed finis blong oli kam wan be moa wok yet blong mekem se evri politikol pati, oli kat representativ insaed long gavman. Nara wok tu we hemi stap blong gavman, hemi mekem, hemi blong mekem se evri aelan oli kat representativ olsem ol minista unsaed long gavman we hemi lidim.
Praem Minista Sariboh Tabimasmas i talem se wetem sapot blong 39 MP we hemi kat istap naoia palaman i save mekem jenis long konstitusen.
Hemi talem se afta long sesen blong palaman blong apruvum badget, bae ikat wan nara miting blong palaman blong mekem sam jenis insaed long konstitusen.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s