Magistrate i rifiusim blong grantem arrest warren blong Natuman


Magistrate Court i talem se polis mo prosekiusen ino satisfaem kot abaut URGENCY blong keis mo risen blong mekem se wan kot i save i save isium wan WARREN blong arrest.
Magistrate court i talem se i talem se naoia hemi 2016 mo oli tes mekem komplen long 2014 mo tu hemi RILEIT long wan mutiny case we kot i talem finis se hemi DISCONTINUE long julae 2015.
Afta we kot i harem Tristan Karae long prosekiusen ofis mo Inspekta Andrew Kalman, hemi mekem ol FINDINGS ia.
Kot i fainem se ol CHARGES i folem wan alegesen blong mutiny long septemba 2014. Ol alegesen blong offence ia i folem CRIMINAL PROCEEDING mo investigation  blong wan alegesen  blong mutini against Mr Joshua Bong we hemi wan foma komisina blong polis wetem sam hae ranking offisa. Mr Bong wetem ol fren blong blong hem ia, oli bin sanbjek finis blong wan kriminal case blong 2014.
Long Preliminari Inkuari blong case 129 blong 2014, acting public prosekiuta, hemi intarem wanem oli kolem NOLLE PROSEQUI long keis we hemi mekem kot i talem se keis, hemi DISCONTINUE long julae 2015.
Police mo prosekusen, tufala i aplae from WARREN blong arrest blong Mr Joe Natuman mo Aru Maralao long ting ting se offence we istap agensem tufala hemi RIKUAREM wan warren blong arrest we bae hemi kam long wan kot.
Magistrate kot i fainem se polis ino bin traem blong leim wan charge agensem tufala mo intavium tufala mo tu aplae blong arreestem tufala long 2014.
Kot i talem se ino kat evidens Mr Natuman mo Mr Maralau, tufala i bin rifius blong kopereit wetem polis.
From olgeta risen ia, kot hemi rifiusim blong givimaut wan warren blong arrest long wik ia. Kot hemi askem prosekiusen blong pripea mo faelem wan ol material ready blong Preliminary Inkuari bifo namba 8 Februari. Kot i darektem tu prosekiusen blong hemi isium summon blong ol difenden mo seven olgeta wetem ol dokumen bifo kot i sidaon long namba 9 Februari. Magistrate i talem se sapos prosekiusen, hemi biliv se oli mas arestem ol akius bifo kot i sidaon, hemi mas mekem wan aplikesen blong warren blong arrest igo long Suprem kot.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s