Nauka i saspendem wan ki-man blong Vohor: Podio


Interim president blong Union blong Modereit Parti, Jacques Nauka, hemi saspendem Bodio Calo long UMP.

Long leta blong saspensen blong hem, Mr Nauka i talem se hemi saspendem hem folem ol MISBEHAVIOR mo fulap desisen we hem wan istap tekem long nem blong UMP. Mr Nauka i talem se ol desisen ia, eksekutif blong pati ino save long hem.

Interim presiden blong UMP i talem se saspensen blong Mr Calo, hemi blong sevem national interes blong pati. Hemi talem se taem we UMP istap kontestem snap eleksen ia, pati ino nidim man olsem Podio blong hemi stap konfiusem ol sapota.

Mr Nauka i talem se saspensen blong Mr Calo istat finis long namba 8 Januari mo bae hemi stap kasem taem we disiplinari komiti bae hemi sidaon blong luk luk long keis blong hem.

Mr Nauka hemi interim presiden blong UMP naoia afta we presiden blong Parti, Serge Vohor, hemi stap long presin from wanem oli kolem braeber. Mr Vohor i wan long olgeta 14 foma MP we oli bin karem wan milien vatu blong Moana Carcasses mo Suprem  wetem Appil kot, tufala i fainem se oli rong.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s