Malcom: Wan milien vatu, hemi stil loan

Malcom: Wan milien vatu hemi stil lon
Loea blong foma praem minista, Maona Carcasses, John Malcom i talemaut long Radio Australia Pacific Beat se oli ting se wan milien vatu Carcasses, hemi bin givim igo long 18 memba blong memba blong palaman we oli bin stap insaed long oposisen long taem ia, hemi stil wan loan. Mr Malcom i talem se klaen blong hem, hemi wandem bak ol mani blong hem ia. Hemi talem se naoia we istap ikat tri opsen we oli givim long olgeta. Wan las opsen nao, hemi blong go long kot sapos, ol foma MP ia we 14 istap naoia long presin, oli no wandem pem bak mani.
Mr Malcom i talem se, hemi bin raitem leta finis igo long olgeta blong oli mas pem bak mani ia. Sam oli riplae long leta blong olgeta blong talem bae oli pem bak mo sam i talem se bae oli tok tok festaem wetem ol loea blong olgeta. Hemi talem se problem nao from we kot i talem se mani ia, hemi wan braeberi mo blong fait from long kot bae hemi no wan isi keis. Hemi talem se bae ino wan tsip keis tu be wan ekspensiv wan from we ikat 14 foma MPs evriwan we hemi minim se bae ikat 14 keis.
Long isiu se ol 14 foma MP ia we oli stap long presin blong oli kontetem snap eleksen long manis, Mr Malcom i talem se bae hemi hat long olgeta from we oli stap long presin.
Ino long taem i pas, dipatmen blong fainens, hemi bin kofomem se ol 14 foma MP ia, oli pem wan 100 000 vatu blong fi blong kandideit blong olgeta.

Leave a Reply

Fill in your details below or click an icon to log in: Logo

You are commenting using your account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )


Connecting to %s