Polis ikat kaon iet blong pem hotel rum blong Griggs


Ova 48 000 vatu istap iet olsem wan kaon we Vanuatu Polis Fos i sapos blong pem igo long wan olgeta hotel long Port Vila.

Hotel ia, hemi ripotem long las wik se kaon ia, hemi stap anda long nem blong dipatmen blong polis.

Ikat ripot se management blong hotel ia, hemi bin stap aftarem polis blong pem kaon gogo, oli go taet long hem.

Management blong hotel, hemi ripotem se wan polis man nao, hemi go bukum wan rum blong wan man New Zealand, Christopher Grigs, hemi slip mo hemi kakae long hotel.Polis man ia, hemi bin bukum hotel rum ia blong 2 wik be man New Zealand ia, hemi bin spendem 2 naet nomo wetem olgeta.

Management blong hotel ia i diskraebem polis man we hemi go bukum rum ia se hemi wan tolfala man. Ikat ripot tu se ikat sam polis man tu we oli bin go stap lukim hem taem we hemi stap long hotel. Ikat alegesen se man New Zealand ia, hemi bin kam blong prosekiutim alegesen blong konspiracy agensem foma praem minista, Joe Natuman. Ino klia iet se olsem wanem nao, hemi kam blong prosekiutim wan keis ale polis i responsibol long hotel rum blong hem. Long stret fasin blong wok, prosekiusen dipatmen nao, hemi sapos blong mekem Griggs ikam mo hem nao, hemi sapos blong luk luk long akomodesen blong hem.

Management blong hotel ia i talem se naoia oli harem se ikat wan niu akting komisina blong polis mo maet bae hemi save luk luk long kaon we istap.

Isiu blong Mr Griggs, hemi bin mekem se foma lida blong oposisen, Moana Carcasses we hemi stap long presin naoia, hemi mekem wan komplen long long polis agensem Mr Natuman folem alegesen blong konspirasi. Gavman blong praem minista, Sato Kilman i bin talem se polis bae hemi investigetem alegesen ia be kam kasem tede ino klia sapos bae ikat wan keis blong konspirasi agensem Mr Natuman. Vila Times, hemi kasem infomesen se gavman, hemi neva putum tabu blong Mr Griggs inomo kam long Vanuatu.

Ikat ripot se man New Zealand ia, hemi bin kam wetem wan spesel visa we hemi givim hem kontrak blong wok long dipatmen prosekiusen. Taem ia, Leon Malantugun nao, hemi akting pablik prosekiuta. Taem we hemi finis mo John William Timakata, hemi tekem ples blong hem, hemi tes finisim hem long ofis ia.

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s